Siabar Pucina prybraŭ Japryncava z prezidyuma Mižnarodnaj fiederacyi samba
Uładzimir Japryncaŭ, biełaruski biznesmien, spartsmien i skandalny eks-partnior Juryja Čyža, z 27 sakavika bolš nie ŭvachodzić u vykanaŭčy kamitet Mižnarodnaj fiederacyi samba (FIAS), u jakim byŭ z 2015 hoda. Rašeńnie aformlena podpisam Vasila Šastakova — rasijskaha dziudaista, sparynh-partniora Uładzimira Pucina.
Uładzimir Japryncaŭ
Infarmacyja pra źmieny ŭ vykanaŭčym kamitecie arhanizacyi apublikavana ŭ Šviejcarskim handlovym rejestry — FIAS zarehistravany ŭ Łazanie.
Z 27 sakavika (a faktyčna — jašče 3 śniežnia 2025 hoda) z členaŭ kamiteta vyviedzieny vaśmiora čałaviek: hienieralny sakratar Rabierta Fierarys (Italija, jaho podpis anulavany), Amar Łapiera Tamajo (Kałumbija), Siezar Arteaha Varhas (Vieniesueła), Nabujuki Asai (Japonija), Anna Karčahina, Mun Čon Kym (Paŭdniovaja Kareja), Taćciana Tryvič (Sierbija) i ŭłasna Uładzimir Japryncaŭ.
Adnačasova ŭzmocnieny paŭnamoctvy vice-prezidenta FIAS Ałamžona Mułajeva z Uźbiekistana — jon atrymaŭ prava kalektyŭnaha podpisu razam z prezidentam.
Jak aficyjna adchilenyja ad udziełu ŭ arhanizacyi, Rabierta Fierarys (jaki nazyvaje Rasiju svajoj druhoj radzimaj) i Uładzimir Japryncaŭ zajmieli na sajcie FIAS asobnuju staronku, dzie ich padpisali jak «hanarovych členaŭ».
Uładzimir Japryncaŭ uvachodziŭ u prezidyum FIAS ź listapada 2014 hoda.
Rasijanin Vasil Šastakoŭ zastaŭsia prezidentam FIAS.
***
Uładzimir Japryncaŭ naradziŭsia ŭ 1961 hodzie ŭ Ašchabadzie. Pryjechaŭ u Minsk pastupać u Instytut fizkultury. Byŭ šmatrazovym čempijonam SSSR, Jeŭropy i śvietu pa samba, zasłužanym majstram sportu SSSR.
U 2013 hodzie žurnalisty stavili Japryncava na 19‑ie miesca ŭ rejtynhu samych bahatych i ŭpłyvovych biznesmienaŭ Biełarusi. Trajektoryja Japryncava pajšła ŭniz u siaredzinie 2010-ch, kali jon hod pravioŭ u SIZA KDB, paśla čaho atrymaŭ štraf i byŭ vyzvaleny.
Uładzimir Japryncaŭ na sudzie