U Minsku ŭ tramvaja na chadu advaliłasia koła
U Minsku na vulicy Jakuba Kołasa 9 krasavika časova spyniaŭsia ruch tramvajaŭ. Spačatku jany nie chadzili ŭ bok Zialonaha Łuha, a paśla i ŭ zvarotnym napramku, piša ahienctva «Minsk-Naviny».
Pryčynaj stała pałomka adnaho z tramvajaŭ: u jaho zrezałasia voś i advaliłasia koła. Z-za hetaha transpart spyniŭsia. Na jaho nienarmalnaje stanovišča źviarnuli ŭvahu vidavočcy i pačali pisać u sacsietkach, nibyta tramvaj syšoŭ z rejek.
Nasamreč, adnak, choć koła ŭ tramvaja i advaliłasia, na rejkach jon zastaŭsia.
Śpiecyjalisty raźbirajucca ŭ pryčynach pałomki, a ruch tramvajaŭ na hetaj linii ŭdałosia adnavić prykładna praz hadzinu.
Čytajcie taksama:
U Minsku znoŭ pačaŭ płavać račny tramvaj
U Minsku ŭviali maksimalny košt prajezdu ŭ maršrutkach