Vałanciora pošukavych atradaŭ i kiroŭcu hruzavika, jaki raniej pracavaŭ u ZŠA, asudzili pa spravie Hajuna

Mark Vieraščahin pracavaŭ na furach u Amierycy i šukaŭ źnikłych ludziej u Biełarusi razam z atradam «Simuran».

Mark Vieraščahin. Fota ź jahonaj staronki «Ukantakcie»

Marku Vieraščahinu 29 hadoŭ. Jon rodam ź vioski Tuchavičy Lachavickaha rajona Bresckaj vobłaści. Pa prafiesii mužčyna — dalnabojščyk i mašynist aŭtakrana, niejki čas pracavaŭ i taksistam.

Ź jahonych paviedamleńniaŭ u sacsietkach viadoma, što jon paśpieŭ pabačyć surovyja ŭmovy na furach, kali pracavaŭ na Urale, u Kazachstanie i na rasijskaj Poŭnačy, dzie davodziłasia mianiać koły pry minus 40 hradusach.

U pačatku vajny, u 2022 hodzie, Mark žyŭ u Mazyry.

Akramia pracy, Mark dapamahaŭ pošukava-vyratavalnamu atradu «Simuran»: kaardynavaŭ pošuki i arhanizoŭvaŭ transpart. Jon paŭdzielničaŭ u dziasiatkach pošukavych apieracyjaŭ.

Na miažy 2022 i 2023 hoda Mark pajechaŭ pracavać na fury ŭ ZŠA, ale paźniej viarnuŭsia ŭ Biełaruś. Vosieńniu 2025 hoda praz paharšeńnie situacyi ŭ hruzapieravozkach mužčyna sieŭ za rul arendnaha taksi ŭ Baranavičach. Jon viarnuŭsia ŭ hetuju śfieru paśla piacihadovaha pierapynku.

Vieraščahin źnik z sacsietak ranicaj 7 kastryčnika 2025 hoda. Imavierna, tady jaho i zatrymali. U vyniku Brescki abłasny sud asudziŭ Marka pavodle častak 1 i 2 artykuła 361‑4 KK (sadziejničańnie ekstremisckaj dziejnaści). Zvyčajna heta aznačaje, što čałaviek prachodziŭ pa spravie Hajuna.

Marku prysudzili chatniuju chimiju.

Kamientary da artykuła