U Maskvie paśla danosu admianili štohadovy fiestyval prychilnikaŭ Puhačovaj
Arhanizatary vyrašyli nie pravodzić mierapryjemstva praź cisk hramadskich aktyvistaŭ, paviedamiŭ «Kamiersantu» pradziusar prajekta Andrej Krasnabajeŭ.
Ała Puhačova. Skryn videa: skazhigordeevoy / YouTube
Admianić fiestyval raniej patrabavaŭ sieryjny danosčyk — kiraŭnik praŭładnaha Fiederalnaha prajekta biaśpieki i baraćby z karupcyjaj Vitalij Baradzin.
Art-fiestyval «Puhačoŭskaja viasna» pravodziŭsia z 2022 hoda 15 krasavika — u dzień naradžeńnia śpiavački. U hetym hodzie jon pavinien byŭ adbycca ŭ maskoŭskim kłubie «Aharod».
U krasaviku 2023 hoda Baradzin źviartaŭsia ŭ Hienprakuraturu Rasii z prośbaj pravieryć Ału Puhačovu na pradmiet finansavańnia Uzbrojenych sił Ukrainy.
Jon zajaviŭ, što śpiavačka praciahvaje krytykavać vajnu va Ukrainie, padtrymlivaje dziejačaŭ kultury i mastactva, jakija pakinuli Rasiju, a taksama finansava dapamahaje Ukrainie.