Rasijskaja ataka na Adesu — dvoje zahinułych, jość paciarpiełyja i dziasiatki paškodžanych damoŭ
U noč na 11 krasavika rasijskija vojski atakavali Adesu.
U vyniku traplańnia ŭ žyły siektar zahinuli dva čałavieki, jość paciarpiełyja, paškodžanyja dziasiatki damoŭ, internat i dziciačy sadok, piša «Ukrainskaja praŭda».
«Čarhovaja noč pad atakaj voraha pryniesła Adesie trahičnyja nastupstvy. U vyniku traplańnia ŭ žyły siektar zahinuli dva čałavieki. Maje ščyryja spačuvańni rodnym i blizkim. Jašče dvoje paciarpiełych ciapier znachodziacca ŭ balnicy, dzie im akazvajecca ŭsia nieabchodnaja dapamoha», — napisaŭ kiraŭnik haradskoj vajennaj administracyi Siarhiej Łysak.
Łysak adznačyŭ, što značnyja paškodžańni atrymała hramadzianskaja infrastruktura: dziasiatki pryvatnych i šmatkvaternych damoŭ, internat, a taksama budynak dziciačaha sadka. U damach vybityja vokny, paškodžanyja dachi i fasady. Akramia taho, paškodžanyja ŭstanovy hramadskaha charčavańnia.