Madžtaba Chamieniei zachoŭvaje jasnaść rozumu i ŭdzielničaje ŭ klučavych rašeńniach, ale jaho tvar źniaviečany
Novy viarchoŭny lidar Irana Madžtaba Chamieniei praciahvaje adnaŭlacca paśla ciažkich traŭmaŭ, atrymanych u vyniku avijaŭdaru ŭ kancy lutaha, paviedamlaje Reuters sa spasyłkaj na try krynicy z najbližejšaha atačeńnia rachbara.
Fota: Majid Saeedi / Getty Images
Surazmoŭcy ahienctva śćviardžajuć, što ŭ vyniku ŭdaru pa rezidencyi viarchoŭnaha lidara ŭ centry Tehierana ŭ pieršy dzień vajny ZŠA i Izraila tvar Chamieniei byŭ źniaviečany, a taksama jon atrymaŭ ciažkija traŭmy noh.
Pry hetym, pavodle słoŭ krynic, iranski lidar «zachoŭvaje jasnaść rozumu» — jon udzielničaje ŭ naradach z vysokapastaŭlenymi čynoŭnikami praz aŭdyjakanfierencyi i praciahvaje prymać rašeńni pa važnych pytańniach, u tym liku pa pieramovach z Vašynhtonam.