Śvisłač u Minsku buduć pierazapuskać
Raku Śvisłač u Minsku časova «pierazapuskajuć» pa pryčynie budaŭnictva treciaj linii mietro. Raboty źviazanyja z uźviadzieńniem novych stancyj, jakija płanujuć adkryć da 2028 hoda, paviedamlaje telekanał ANT.
Zdymak ilustracyjny. Fota: «Naša Niva»
Padčas budaŭnictva mietrabudaŭniki vymušanyja pracavać nižej za ŭzrovień vady, tamu ŭźnikajuć techničnyja składanaści. Kab ich vyrašyć, stvarajuć śpiecyjalnuju achoŭnuju kanstrukcyju, jakaja dazvalaje izalavać častku raki.
Praces vyhladaje tak: spačatku adnu častku raki časova pierakryvajuć i adpampoŭvajuć ź jaje vadu. Paśla hetaha na dnie pravodziać nieabchodnyja raboty — prybirajuć lišni hrunt, umacoŭvajuć rečyšča i zalivajuć bietonnuju asnovu. Potym vadu viartajuć, a paśla takim ža čynam pracujuć z druhoj častkaj.
Mienavita heta i nazyvajuć «pierazapuskam» raki — jaje płyń časova źmianiajuć, kab možna było biaśpiečna vieści budaŭnictva.
Havorka idzie nie pra ekałahičnyja źmieny, a pra techničnaje rašeńnie, nieabchodnaje dla ŭźviadzieńnia mietro ŭ składanych umovach.
Čytajcie taksama:
Pačać pravodzić kalcavuju liniju mietro płanujuć užo sioleta
Minskaje mietro razam z «Alesiaj» pačnie kapać «Maryja». Sprava maje pajści chutčej