U Hrodnie mužčyna vyklikaŭ taksi dla svaich baćkoŭ, a paśla pabiŭsia z taksistam

U Hrodnie 26‑hadovy mužčyna trapiŭ pad kryminalnuju spravu paśla kanfliktu z taksistam, paviedamlaje UUS Hrodzienskaha abłvykankama.

Zdymak ilustracyjny

Mužčyna vyklikaŭ taksi dla svaich baćkoŭ, a sam zastaŭsia doma. Kali mašyna padjechała, baćki vyjšli da jaje.

U niejki momant baćku mužčyny zdałosia, što kiroŭca nibyta najechaŭ na sabaku ŭ dvary. Jon pačaŭ vykazvać pretenzii, ale taksist z hetym nie pahadziŭsia, i pamiž imi ŭźnikła svarka. U kanflikt uklučyłasia i žančyna.

Hałasy pačuŭ syn, jaki vyjšaŭ na vulicu. Jon vyrašyŭ zastupicca za baćkoŭ, bo padumaŭ, što jaho maci abrazili. Nie razabraŭšysia ŭ situacyi, mužčyna pačaŭ bić kiroŭcu.

U vyniku taksist atrymaŭ cialesnyja paškodžańni i byŭ špitalizavany. Suprać maładoha čałavieka zavali kryminalnuju spravu.

Kamientary da artykuła