U siecivie źjaviŭsia pieršy vialiki albom vielikodnych śpievaŭ na rodnaj movie. Pasłuchajcie
Napiaredadni Vialikadnia biełaruskaja pravasłaŭnaja supolnaść kaplicy śviatoha Ryhora Pieradze ŭ Varšavie zrabiła toje, što raniej zdavałasia niemahčymym: vypuściła poŭny liturhičny albom «Pravasłaŭny Vialikdzień» na rodnaj movie.
U časy, kali prava na nacyjanalnuju identyčnaść davodzicca abaraniać štodnia, hety prajekt «Biełaruskaha choru kaplicy» stanovicca sapraŭdnym manifiestam žyvoj kultury, piša Reform.news.
Albom, jaki ŭžo dastupny na Spotify, Apple Music i YouTube, źmiaščaje 36 trekaŭ. Heta vynik hłybokaha daśledavańnia: muzyki nie prosta pierakłali teksty, a źviarnulisia da biełaruskich histaryčnych irmałahijonaŭ — staražytnych notnych zbornikaŭ, kab viarnuć nabaženstvu jaho spradviečny nacyjanalny kałaryt.
Ciapier supolnaść płanuje iści dalej i da 2027 hoda vydać notnyja zborniki liturhij, jakija buduć pieradadzieny ŭ adkryty dostup dla ŭsich parafij.
Kab hetaja maštabnaja praca praciahvałasia, na płatformie zrzutka.pl adkryty zbor srodkaŭ. Padtrymać prajekt možna i asabista: u varšaŭskaj kaplicy na vulicy Lelechowska 5 za achviaravańnie prapanujuć pamiatnuju paštoŭku z QR-kodam, jaki adkryvaje dostup da ŭsiaho muzyčnaha skarbu.