Rybak pad Minskam złaviŭ ahramieznaha ščupaka
Rybałka, ad jakoj Arciom Ihnatovič nie čakaŭ ničoha asablivaha, pryniesła najlepšy trafiej u jaho žyćci.
Arciom Ihnatovič złaviŭ rybinu ŭsiaho za 20 km ad Minska ŭ zusim nievialikim vadajomie.
Na videa rybałoŭ pakazvaje vielizarnaha ščupaka, kaža, kiłahramaŭ 14-15. Jon nazyvaje ščupaka «miehaładonam» praź niezvyčajnyja pamiery.
«Nu što, siabry, heta prosta niešta ź niečym! Ja takich miehaładonaŭ nie łaviŭ nikoli. Pryjechaŭ litaralna na hadzinku pakidać vudu. Vadajom naohuł — litaralna pieraplujka. Ryba, ja dumaju, niedzie kala 15 kiłahramaŭ. Ja takich, ščyra kažučy, i ŭ žyćci nie bačyŭ nikoli. Prosta… niešta ź niečym! Ja žadaju kožnamu sioleta złavić takoha hihanckaha ščupaka!»
Arciom bieražliva vypuściŭ rybu nazad u vadu.