Vielizarnyja čerhi i rekordnaja jaŭka na vybarach u Vienhryi
Vybary ŭ Vienhryi stanoviacca biesprecedentnymi pavodle aktyŭnaści vybarščykaŭ. Pa źviestkach na 13:00 (14 hadzin pa minskim časie), jaŭka skłała 54,14%, što aznačaje bolš za 4 miljony tych, chto ŭžo prahałasavaŭ. Hety pakazčyk padobny na elektaralny vybuch.
Ludzi stajać u čarzie kala vybarčaha ŭčastka padčas parłamienckich vybaraŭ u Vienhryi ŭ Budapiešcie, 12 krasavika 2026 h. Fota: AP Photo / Denes Erdos
Dla paraŭnańnia, na papiarednich vybarach 2022 hoda jaŭka na hetuju hadzinu składała 40,01%, najbolš było ŭ 2018‑m — 42,32%.
Analityki zaŭvažajuć, što navat u tradycyjna spakojny abiedzienny čas patok ludziej na ŭčastkach nie pamianšajecca.
Čerhi stajać pa ŭsim śviecie
Vysokaja aktyŭnaść nazirajecca nie tolki ŭnutry krainy, ale i na zamiežnych učastkach, dzie vienhry vystrojvajucca ŭ šmathadzinnyja čerhi.
U sacsietkach — šmat fota z čerhami.
Małaha. Fota: Telex
Kapienhahien. Fota: Telex
Miunchien. Fota: Telex
Osła. Fota: Telex