Jaŭka na vybarach u Vienhryi pieravysiła 77% — heta rekord za ŭsiu historyju krainy
Siońnia ŭ Vienhryi prajšli parłamienckija vybary. Vybarčyja ŭčastki ŭžo zakrylisia.
Ludzi stajać u čarzie kala vybarčaha ŭčastka padčas parłamienckich vybaraŭ u Vienhryi ŭ Budapiešcie, 12 krasavika 2026 h. Fota: AP Photo / Denes Erdos
Pa stanie na 18:30 pavodle miascovaha času (19:30 pa Minsku), jaŭka na vybarach stała rekordnaj za ŭsiu historyju krainy i pieravysiła 77%. Takija źviestki daje Nacyjanalny vybarčy ofis Vienhryi.
Hetyja vybary nazyvajuć losavyznačalnymi dla Jeŭropy. Hałoŭnaja intryha — ci zachavaje ŭładu «Fides» Viktara Orbana. Niezaležnyja sacyjołahi prahnazujuć pieramohu apazicyjnaha ruchu «Tysa».
Kančatkovyja vyniki vybaraŭ buduć viadomyja 18 krasavika. U Vienhryi davoli składanaja sistema padliku hałasoŭ, a tamu pa pieršym dni moža być niezrazumieły pieramožca.