Russia Today praviała prapahandyscki fiestyval u Italii
Niekatoryja ŭdzielniki byli ŭ futbołkach ź simvałam Z.
U Italii, u Bałońni, prajšoŭ rasijski prapahandyscki fiestyval Russia Today «Čas našych hierojaŭ», paviedamlaje Astra.
Na fiestyvali pakazvajuć filmy, jakija padtrymlivajuć vajnu va Ukrainie, takija jak: «Kryvavyja maryjanietki Zachadu» i «Zapiski z Rasii».
Da praviadzieńnia fiestyvalu na jaho paskardziŭsia italjanski sienatar Ivan Skafarota, pisała hazieta Il Resto del Carlino. Sienatar patrabavaŭ umiašańnia ŭrada dla praviadzieńnia pravierki na zakonnaść mierapryjemstva.
Fiestyval u Italii arhanizavaŭ Vinčenca Łarusa — italjanski žurnalist, zasnavalnik telehram-kanała Donbass Italia. Jon supracoŭničaje z vydańniem International Reporters i telekanałam RT, maje DNŽ Rasii, pracavaŭ na akupavanych Kramlom terytoryjach Ukrainy. Zaraz pražyvaje ŭ Rasii.