Tramp abrynuŭsia z krytykaj na Papu
U doŭhim dopisie, apublikavanym u noč na 13 krasavika, Tramp abvinavaciŭ Papu ŭ niekalkich punktach.
Donald Tramp. Fota: Alex Brandon / AP
Prezident ZŠA Donald Tramp rezka raskrytykavaŭ Papu Rymskaha Lva XIV u svajoj sacsietcy Truth Social, nazvaŭšy jaho «słabym u pytańniach złačynnaści» i «žachlivym u zamiežnaj palitycy».
U doŭhim dopisie, apublikavanym u noč na 13 krasavika, Tramp abvinavaciŭ Papu ŭ niekalkich punktach:
Słabaść adnosna złačynnaści — Tramp zajaviŭ, što Papa «nie zhadvaje strachu», jaki adčuvała Katalickaja carkva padčas COVID-19, kali «aryštoŭvali śviataroŭ, pastaraŭ i ŭsich inšych» za praviadzieńnie nabaženstvaŭ, navat na adlehłaści 3—6 mietraŭ.
Jadziernaja prahrama Irana — «Ja nie chaču Papu, jaki ličyć, što Iran moža mieć jadziernuju zbroju», — napisaŭ Tramp.
Prezident ZŠA asudziŭ pazicyju Papy adnosna ataki ZŠA na Vieniesuełu, nazvaŭšy hetuju krainu «krynicaj masavych pastavak narkotykaŭ» i «pustych turmaŭ».
Tramp pachvaliŭ brata Papy Lva — Łuisa, adznačyŭšy: «Jon mnie padabajecca značna bolš, bo Łuis — sapraŭdny MAGA».
Leŭ XIV (uradženiec ZŠA) byŭ abrany Papam u mai 2025 hoda paśla śmierci Franciška.
Tramp taksama śćviardžaje, što Leŭ XIV nie byŭ u śpisie kandydataŭ na pasadu pantyfika, a jaho abrańnie — «šakujučy siurpryz». Pavodle słoŭ prezidenta, carkva abrała amierykanca, kab «najlepšym čynam spraŭlacca z prezidentam Donaldam Trampam».
Tramp zaviaršyŭ dopis pavučeńniem Papu: «Karystajciesia zdarovym rozumam, pierastańcie dahadžać radykalnym levym i zasiarodźciesia na tym, kab być vialikim Papam, a nie palitykam».