Bieły dom abmiarkoŭvaje adnaŭleńnie ŭdaraŭ pa Iranie paśla zryvu mirnych pieramoŭ
Heta adzin z varyjantaŭ, jakija ŭ Biełym domie razhladali ŭ niadzielu, praź niekalki hadzin paśla pravału pieramoŭ u Pakistanie.
Donald Tramp, vice-prezident Džej Dzi Vens, dziaržsakratar Marka Rubia i kiraŭnik Pientahona Pit Chiehset. Fota: Alex Wong / Getty Images
Administracyja Trampa razhladaje mahčymaść adnaŭleńnia abmiežavanych udaraŭ pa Iranie ŭ dadatak da błakady ZŠA Armuzskaha praliva jak sposab vychadu z tupiku na mirnych pieramovach, piša WSJ sa spasyłkaj na krynicy.
Pavodle słoŭ amierykanskich čynoŭnikaŭ, heta adzin z varyjantaŭ, jakija ŭ Biełym domie razhladali ŭ niadzielu, praź niekalki hadzin paśla pravału pieramoŭ u Pakistanie.
ZŠA taksama mohuć adnavić poŭnamaštabnuju kampaniju bambardzirovak, choć čynoŭniki adznačali, što heta mienš vierahodna, uličvajučy pierśpiektyvu dalejšaj destabilizacyi rehijona i, jak piša WSJ, niežadańnie Trampa ŭdzielničać u zaciažnych vajennych kanfliktach.
Siarod inšych idej administracyi Trampa — sproba ŭstalavać bolš karotkaterminovuju błakadu Armuzskaha praliva, adnačasova akazvajučy cisk na sajuźnikaŭ, kab jany ŭ budučyni ŭziali na siabie adkaznaść za misiju pa supravadžeńni sudnaŭ praz praliŭ.