Brytni Śpirs lahła ŭ reabilitacyjny centr paśla aryštu za pjanaje kiravańnie aŭto
Pap-ikona Brytni Śpirs pačała kurs lačeńnia ŭ śpiecyjalizavanaj klinicy. Pradstaŭnik 44‑hadovaj śpiavački paćvierdziŭ, što jana pryniała hetaje rašeńnie samastojna ŭ minułuju niadzielu.
Brytni Śpirs. Fota: Chris Pizzello / Invision / AP
4 sakavika Śpirs była zatrymanaja za kiravańnie aŭtamabilem pad uździejańniem zabaronienych rečyvaŭ. Paśla nočy ŭ turmie jaje adpuścili, adnak užo 4 maja zorka pavinna źjavicca ŭ sudzie.
Pradstaŭniki artystki nazvali zdareńnie niedapuščalnym i vykazali nadzieju, što reabilitacyja stanie pieršym krokam da daŭno naśpiełych źmien u jaje žyćci.
Ciapier blizkija Brytni rychtujuć płan padtrymki, kab dapamahčy joj spravicca z kryzisam.
Historyja baraćby Brytni z zaležnaściami i psichałahičnymi prablemami ciahniecca jašče z 2007 hoda.
Ciapierašni recydyŭ adbyŭsia praź niekalki hadoŭ paśla taho, jak u 2021 hodzie śpiavačka narešcie vyzvaliłasia ad 13‑hadovaj apieki svajho baćki.