U Łahojsku prajšoŭ zabieh pa lesie, jaki sabraŭ bolš za 400 udzielnikaŭ
Na ŭskrainie Łahojska ŭ ramkach prajekta Bizon Race adbyŭsia trejłavy zabieh — niekalki sotniaŭ udzielnikaŭ biehli pa lasnych ściežkach, piša Onliner.by.
Bizon Race asacyjujecca z ekstremalnymi zabiehami, padčas jakich udzielniki pieraadolvajuć roznyja pieraškody. Adnak pad hetym brendam taksama pravodziać i trejłavyja starty — spabornictvy pa biehu, jakija prachodziać pa pryrodnym reljefie. Hetym razam u zabiehach pryniali ŭdzieł bolš za 400 čałaviek.
Dla ŭdzielnikaŭ padrychtavali niekalki dystancyj: dźvie dziciačyja (1,5 i 3 km) i dźvie darosłyja (5 i 10 km).
Bližejšy tradycyjny ekstremalny zabieh Bizon Race adbudziecca ŭ mai ŭ Stajkach. Rehistracyja ŭžo adkryta.