Łukašenka paśpiašaŭsia: Kreml admoviŭsia vinšavać Pietera Madźjara
Pres-sakratar prezidenta Rasii Dźmitryj Piaskoŭ zajaviŭ, što Kreml nie budzie nakiroŭvać vinšavańni Pieteru Madźjaru i jaho partyi «Cisa».
Dźmitryj Piaskoŭ. Fota: Contributor / Getty Images
— My niedružalubnym krainam vinšavańni nie adpraŭlajem. A Vienhryja — niedružalubnaja kraina, jana padtrymlivaje sankcyi suprać nas, — patłumačyŭ pres-sakratar prezidenta RF.
Na ŭdakładnieńnie, ci značyć heta, što Maskva siabravała vyklučna z Orbanam, Piaskoŭ adkazaŭ: «My ź im viali dyjałoh».
Alaksandr Łukašenka ž užo pavinšavaŭ staršyniu partyi «Cisa» Pietera Madźjara ź pieramohaj na parłamienckich vybarach.
«Upeŭnieny, što tradycyi družby i ŭzajemavyhadnaha supracoŭnictva, jakija sfarmavalisia za mnohija hady pamiž Minskam i Budapieštam, pavinny praciahvacca», — adznačyŭ jon.
Łukašenka pažadaŭ Madźjaru zdaroŭja i pośpiechaŭ.