Na Knižnym kirmašy ŭ Biełastoku budzie pracavać sałon niezaležnych biełaruskich vydaviectvaŭ
17‑19 krasavika ŭ Biełastoku adbudziecca Knižny kirmaš, padčas jakoha zapłanavanyja i mierapryjemstvy, datyčnyja biełaruskaj litaratury. Na miescy 79 raźmieścicca sałon niezaležnych biełaruskich vydaviectvaŭ, piša «Budźma».
«Heta dobraja nahoda sustrecca z aŭtarami i vydaŭcami, pahladzieć, čym siońnia žyvie biełaruskaja knižnaja prastora, pahartać novyja vydańni i znajści štości cikavaje dla siabie», — adznačajuć arhanizatary.
Siarod biełaruskich vydaŭcoŭ buduć pradstaŭlenyja, miž inšymi:
- Centr biełaruskaj kultury ŭ Biełastoku,
- Kamunikat.org,
- Gutenberg Publisher,
- Kniżny vyraj,
- Połackija labirynty,
- SayBeat,
- Studio Magenta,
- ARCHE,
- Skaryna Press,
- Rozum Media,
- Białoruskie Towarzystwo Historyczne,
- Prahramnaja rada tydniovika «Niva».
Dzie i kali?
Data: 17‑19 krasavika
Raskład pracy nastupny:
- 17.04 / 10:00—18:30
- 18.04 / 10:00—18:30
- 19.04 / 10:00—16:30
Miesca: Chorten Arena, ul. Słoneczna 1, Biełastok. Stend 79
Padčas kirmaša, 19 krasavika, adbudziecca tvorčaja sustreča ź piśmieńnikam i jurystam Maksimam Znakam (zała № 2, pačatak u 11:00, uvachod volny).