Saudaŭskaja Aravija zaklikała ZŠA spynić błakadu Armuzskaha praliva i viarnucca da pieramovaŭ ź Iranam
Jany papiaredzili, što ciapierašniaja taktyka cisku Vašynhtona na Tehieran moža pryvieści da supraćlehłaha efiektu.
Sudna prachodzić praz Armuzski praliŭ 8 krasavika 2026 hoda. Fota: Shady Alassar / Anadolu via Getty Images
Saudaŭskaja Aravija sprabuje pierakanać ZŠA admovicca ad błakady Armuzskaha praliva i adnavić pieramovy ź Iranam, aścierahajučysia dalejšaj eskałacyi na Blizkim Uschodzie, paviedamlaje The Wall Street Journal sa spasyłkaj na arabskich čynoŭnikaŭ.
Jany papiaredzili, što ciapierašniaja taktyka cisku Vašynhtona na Tehieran moža pryvieści da supraćlehłaha efiektu, a mienavita — da zakryćcia Bab-el-Mandebskaha praliva, jaki zabiaśpiečvaje 12% usich marskich pieravozak nafty i 8% — zvadkavanaha pryrodnaha hazu, złučajučy Čyrvonaje mora z Adenskim zalivam. Hetaja stratehičnaja arteryja prachodzić pamiž Jemienam i Erytrejaj i źjaŭlajecca paŭdniovymi varotami ŭ Suecki kanał — adzin z klučavych handlovych maršrutaŭ pamiž Azijaj i Jeŭropaj.
Saudaŭskaja Aravija niadaŭna zmahła viarnuć svoj naftavy ekspart na davajenny ŭzrovień — kala 7 młn baralaŭ u sutki, niahledziačy na pierakryćcie Armuzskaha praliva, dziakujučy transparciroŭcy syraviny pa trubapravodzie ŭ port Janbu. Adnak hetyja pastaŭki apynucca pad pahrozaj u vypadku zakryćcia vychadu z Čyrvonaha mora. Učastak kala Bab-el-Mandebskaha praliva kantralujuć jemienskija chusity.