U Smalavickim rajonie złodzieja padviała luboŭ da sałodkaha
Sudovyja ekśpierty dapamahli raskryć kradziež ź lecišča ŭ ahraharadku Jurjeva ŭ Smalavickim rajonie dziakujučy niezvyčajnaj detali — śledu na abhortcy ad cukierki.
U milicyju pastupiła paviedamleńnie pra kradziež: nieviadomy raźbiŭ šybu i zalez u dom, vyniesšy adtul pradukty i ałkahol.
Padčas ahladu miesca zdareńnia ekśpiert znajšoŭ na kamodzie pakiet z cukierkami i pobač pustuju abhortku. Na joj znajšli śled palca.
Pry praviercy ŭ bazie Dziaržaŭnaha kamiteta sudovych ekśpiertyz vyśvietliłasia, što hety śled naležyć miascovamu žycharu 1969 hoda naradžeńnia.
Paśla hetaha siłaviki zatrymali padazravanaha i častku skradzienaj majomaści viarnuli. Pa fakcie kradziažu raspačali kryminalnuju spravu.
Čytajcie taksama:
«Trava tvaja, a piasok dziaržaŭny!» Biełarusy aburanyja štrafami za «kradziež» piasku
Sieryjnaha złodzieja ŭ Buda-Kašaloŭskim rajonie vyličyli pa niedakurku
U Breście padletki zarablali, kradučy pa vioskach mietałałom