U Minsku nazvali klučavyja miescy dla ahulnarespublikanskaha subotnika
Subotnik projdzie 18 krasavika.
Fota: Minsk-naviny
Padčas respublikanskaha subotnika 18 krasavika arhanizacyi praviaduć azielanieńnie i dobraŭparadkavańnie, a taksama pryviaduć u naležny stan znakavyja abjekty i terytoryi Minska, historyka-kulturnyja kaštoŭnaści, miemaryjalnyja kompleksy, miescy bajavoj i voinskaj słavy. Pra heta Minsk-Navinam paviedamili ŭ Minharvykankamie.
— Vyznačany nastupnyja miescy praviadzieńnia respublikanskaha subotnika — parki Pieramohi, Družby narodaŭ, Sievastopalski, Narodnaha adzinstva (u miežach praśpiekta Pieramožcaŭ i vulicy Arłoŭskaj), «Kurasoŭščyna», imia 60‑hodździa Vialikaha Kastryčnika, imia A. Hierasimienki i Čynhiza Ajtmatava. Heta taksama Centralny dziciačy park imia M. Horkaha, lesapark «Miadźviežyna», pomnik «Biełaruś partyzanskaja», miemaryjalny kompleks «Błahaŭščyna», sad Haškieviča, ekatropa «Akno ŭ pryrodu», «Sad vieršaŭ» i inšyja abjekty, — adznačyŭ pieršy namieśnik staršyni Minharvykankama Alaksandr Kamiendant.