Minčuk zabraŭ u padmanutych machlarami ludziej 70 tysiač dalaraŭ
Apieratyŭniki kryminalnaha vyšuku zatrymali 32‑hadovaha žychara stalicy, jaki dapamahaŭ telefonnym ašukancam vyvodzić hrošy za miažu, paviedamlaje minskaja milicyja.
Mužčyna pa zadańni kuratara zabiraŭ bujnyja sumy i praz pasrednika pieravodziŭ ich u kryptavalutu. Supracoŭnikam milicyi minčanin paviedamiŭ, što nibyta nie viedaŭ pra złačynny charaktar svaich dziejańniaŭ. Jon znajšoŭ nieaficyjnuju padpracoŭku ŭ internecie i dumaŭ, što akazvaje pasłuhi pa kupli ličbavaj valuty dla ludziej, jakija sami nie ŭmiejuć hetaha rabić.
Pavodle papiaredniaj infarmacyi, za niekalki dzion mužčyna vykanaŭ nie mienš za dzieviać zadańniaŭ. Žychary Minska i rajona va ŭzroście ad 15 da 72 hadoŭ byli padmanuty telefonnymi ašukancami pa schiemie «vodakanała» i stracili bolš za 85 tys. dalaraŭ u roznych valutach. Hetyja hrošy jany pakidali ŭ tajnikach-zakładkach — naprykład, u śmiećcievym baku abo za haražami ŭ pramysłovaj zonie.
Adnoj z achviar ašukancaŭ staŭ vučań vośmaha kłasa. Jon pa patrabavańni iłžepravaachoŭnikaŭ zabraŭ z domu baćkoŭskija hrošy i pajechaŭ u Sienicu, dzie atrymaŭ bolš za 10 tysiač dalaraŭ ad inšaha padmanutaha adnahodka, paśla čaho pakłaŭ ich u pakiet u ŭmoŭlenym miescy i dva dni ničoha nie raskazvaŭ baćkam.
Mužčynu zatrymali.