Upieršyniu ŭ Biełarusi: dolščyki «Minsk-Śvietu» padali kalektyŭny pazoŭ suprać zabudoŭščyka
Na rynku nieruchomaści Biełarusi adbyvajecca hučnaja padzieja: upieršyniu hramadzianie abjadnalisia dla kalektyŭnaha pazovu suprać bujnoha zabudoŭščyka. Havorka idzie pra kampaniju «Dubaj Inviestmient», jakaja zajmajecca ŭźviadzieńniem kvartałaŭ u «Minsk-Śviet». Na abjavu ŭ «Źviaździe» źviarnuła ŭvahu ekśpiert pa nieruchomaści Natalla Litoŭskaja.
Fota: lookby.media
Inicyjataram zajavy vystupiła hramadskaje abjadnańnie «Na baku prava», jakoje abaraniaje intaresy dolščykaŭ i ŭłaśnikaŭ kvater. Hałoŭnaje patrabavańnie hrupy asob — kampiensacyja maralnaj škody. Sprava ŭžo pryniataja da viadzieńnia sudom Pieršamajskaha rajona Minska.
Pryčyny i sutnaść pazovu nie nazyvajucca.
Dałučycca da pazovu mohuć usie paciarpiełyja dolščyki i ŭłaśniki pamiaškańniaŭ u hetym kompleksie. Dla hetaha nieabchodna padać zajavu ŭ Sud Pieršamajskaha rajona h. Minska da 8 maja 2026 hoda.
Dla Biełarusi praces — pieršy taki, bo raniej padobnyja sprečki z zabudoŭščykami vyrašalisia vyklučna ŭ indyvidualnym paradku.