Pasolstva Italii ŭ Minsku pamianiała vizavaha apieratara
Pasolstva Italii ŭ Biełarusi paviedamiła pra źmieny ŭ arhanizacyi padačy dakumientaŭ na šenhienskija vizy. Padkreślivajecca, što vizavaja palityka hetaj kampanii zastajecca raniejšaj, a źmianiajecca tolki kampanija, jakaja absłuhoŭvaje zajaŭnikaŭ.
Zdymak ilustracyjny. Fota: vecteezy.com
Ciapier funkcyi vizavaha centra TLScontact u Minsku pastupova pieradajucca novamu pastaŭščyku pasłuh — VFS Global. Pry hetym vizavy centr TLScontact na vulicy Niamiha, 40 praciahnie pryjom zajaŭnikaŭ da 30 červienia 2026 hoda. Zapisacca ŭ čarhu tudy možna da 30 krasavika.
Pačynajučy z 1 maja 2026 hoda, novyja zajaŭniki pavinny buduć rehistravacca praź sistemu VFS Global. Dla hetaha budzie dziejničać asobnaja anłajn-instrukcyja pa zapisie.
Asobna adznačajecca, što dla niekatorych katehoryj zajaŭnikaŭ — naprykład, členaŭ siemjaŭ hramadzian ES, jakija žyvuć u Italii, a taksama členaŭ siemjaŭ biełarusaŭ, jakija lehalna žyvuć u Italii — buduć apublikavanyja śpiecyjalnyja praviły padačy dakumientaŭ.
Pasolstva padkreślivaje, što ŭ pierachodny pieryjad budzie imknucca zabiaśpiečyć bieśpierabojnuju pracu sistemy. Ahulnyja patrabavańni da afarmleńnia šenhienskich viz zastanucca bieź źmien.
Čytajcie taksama:
Ad siońnia pavinna całkam zapracavać sistema novaha ŭjezdu ŭ ES
9 krain, jakija varta naviedać biełarusam u hetym hodzie. Parady ad padarožnika
Usio mienš i mienš: kolki i jakija vizy vydaje biełarusam Hiermanija
Jak biełarusam adkryć «šenhien»: ci možna paśpieć da leta-2026