U parku Čaluskincaŭ pastaviać novaje koła ahladu

Jak paviedamiŭ namieśnik hienieralnaha dyrektara i hałoŭny inžynier «Minskzialonbuda» Rusłan Kasievič, ciapier u parku Čaluskincaŭ pravodzicca maštabnaje ŭparadkavańnie: ramantujuć darožki, abnaŭlajuć dziciačyja placoŭki, farbujuć aharodžy i pryvodziać u paradak roznyja elemienty infrastruktury. Taksama tam u miežach rekanstrukcyi płanujuć ustalavać novaje koła ahladu.

Fota ilustracyjnaje

U chodzie rekanstrukcyi płanujuć zrabić adziny styl dla handlovych paviljonaŭ i kasaŭ, a taksama abnavić aśviatleńnie na centralnaj alei. Akramia koła ahladu, u parku źjaviacca i inšyja novyja atrakcyjony — «Katalnaja hara» i «Ładździa», jakija zamieniać śpisanyja.

Taksama ŭ parku Čaluskincaŭ płanujuć adkryć novy dziciačy hulniavy haradok.

Što da inšych parkaŭ Minska, to ŭ parku Horkaha ŭžo zaviaršyli rekanstrukcyju: tam źjavilisia novyja kaviarni, vialikaja dziciačaja zona i cichaje miesca dla adpačynku. Niekatoryja atrakcyjony, u tym liku «Ružovy słon» i 5D-kino, pieranieśli tudy z parka imia Uha Čaviesa. U hetym ža samym parku rychtujuć jašče adzin novy atrakcyjon, ale pakul jaho typ nie raskryvajuć.

Što da parku imia Uha Čaviesa, to ŭ im praciahvajecca budaŭnictva — tam raźvivajuć spartyŭnuju infrastrukturu: užo jość placoŭki dla roznych vidaŭ sportu, trenažory i łyžarolernaja trasa.

Kamientary da artykuła