Japonski mastak raspracavaŭ prynty dla lnianoj kalekcyi Mark Formelle
Biełaruski brend Mark Formelle pradstaviŭ novuju kałabaracyju, zaprasiŭšy da supracoŭnictva mastaka z Tokia Nakamuru Karamočy. Vynikam hetaj tvorčaj sustrečy stała lnianaja kalekcyja, u jakoj, pavodle zadumy, tradycyjny biełaruski materyjał spałučyŭsia ź japonskaj fiłasofijaj i estetykaj.
Mark Formelle pradstaviŭ novuju ilnianuju kalekcyju. Hetym razam abrali dyzajn u azijackim styli. Brend upieršyniu vypuściŭ kimano (80 rubloŭ) i tradycyjnyja japonskija kašuli. U kapsule pradstaŭleny vyraby dla žančyn, mužčyn i dziaciej. Kalarovyja rašeńni kalekcyi ŭ spakojnych, pastelnych adcieńniach.
Asablivaje miesca ŭ kalekcyi zajmajuć futbołki ź ilustracyjami mastaka z Tokia Nakamury Karamočy, jakija jon stvaryŭ admysłova dla brenda.
— Biełaruski lon ź jaho pryrodnaj fakturaj sustrakajecca z uschodnim pohladam na pryhažość, a taksama jaho ŭnikalnaj fiłasofijaj suzirańnia i pavahaj da detalaŭ. Abiedźvie kultury abjadnoŭvaje ŭvažlivaje staŭleńnie da ŭłasnaj spadčyny i imknieńnie pieranieści jaho ŭ sučasnaść, — rastłumačyli ŭ kampanii.