Parłamient Hruzii pryniaŭ papraŭki ab uviadzieńni novaj vizy dla «ličbavych kačeŭnikaŭ»
Parłamient Hruzii ŭ trecim čytańni pryniaŭ papraŭki ŭ zakon ab pravavym stanoviščy zamiežnikaŭ i asob biez hramadzianstva, jakija praduhledžvajuć uviadzieńnie novaj vizy katehoryi C5 dla zamiežnych hramadzian, što pracujuć na niehruzinskija kampanii, paviedamlaje Newsgeorgia.
Budynak parłamienta ŭ Tbilisi. Fota: John Elk III / Getty Images
C5 — heta šmatrazovaja karotkaterminovaja viza terminam dziejańnia da piaci hadoŭ, jakaja daje prava znachodzicca ŭ Hruzii da 12 miesiacaŭ.
Raźličvać na atrymańnie vizy zmohuć hramadzianie «biaśpiečnych krain», jakija ŭjazdžajuć u krainu z turystyčnymi metami i pracujuć dystancyjna na kampanii za miažoj. Vizu taksama zmohuć atrymać členy siamji zajaŭnika — muž ci žonka i dzieci da 18 hadoŭ.
Na zamiežnikaŭ, jakija pracujuć dystancyjna na zamiežnyja kampanii abo vykonvajuć karotkaterminovyja prafiesijnyja zadačy ŭ ramkach časovych prajektaŭ, nie buduć raspaŭsiudžvacca normy zakanadaŭstva ab pracoŭnaj mihracyi.
Papraŭki taksama praduhledžvajuć vydaču viz u paskoranym paradku i ŭviadzieńnie dadatkovaj padstavy dla admovy ŭ vydačy vizy — «dziaržaŭnaja imihracyjnaja palityka». Kali zamiežniku admovili ŭ vydačy vizy pa hetaj padstavie, rašeńnie nie padlahaje abskardžańniu.