ZŠA zatrymlivajuć pastaŭki zbroi Jeŭropie z-za kanfliktu ŭ Iranie
Zatrymka pastavak zakranie ŭ tym liku krainy Bałtyi i Skandynavii.
Kompleks budynkaŭ Pientahona ŭ Vašynhtonie. Fota: Hisham Ibrahim / Getty Images
Amierykanskija čynoŭniki prainfarmavali niekatorych jeŭrapiejskich kalehaŭ pra toje, što pastaŭki zbroi pa raniej zaklučanych kantraktach buduć adkładzieny, pakolki vajna ź Iranam praciahvaje vyčerpvać zapasy amierykanskich uzbrajeńniaŭ, paviedamiła Reuters sa spasyłkaj na piać krynic, znajomych ź situacyjaj.
Pavodle ich źviestak, zatrymka pastavak zakranie ŭ tym liku krainy Bałtyi i Skandynavii. Niekatoryja z hetych krain, jak paviedamili krynicy, miažujuć z Rasijaj.
Častka ŭzbrajeńnia była nabyta jeŭrapiejskimi krainami pa prahramie Foreign Military Sales (FMS — prahrama vajennych prodažaŭ ZŠA inšym krainam), ale jašče nie pastaŭlena. Jeŭrapiejskija čynoŭniki skardziacca, što zatrymki staviać ich u składanaje stanovišča, pieradaje Reuters.