Alaksandr Łukašuk vydaŭ knihu z «radkami i ryfmami roznych hadoŭ»
Vydaviectva Fondu «Kamunikat» vypuściła z druku novuju knihu Alaksandra Łukašuka z nazvaju «Niezavieršanaść. Tonkaja kniha».
Navinku najbližejšym časam možna pahartać i kupić na Knižnym kirmašy ŭ Biełastoku z 17 pa 19 krasavika, piša bellit.info.
Zhodna z apisańniem, kniha źmiaščaje «radki i ryfmy roznych hadoŭ, ale adnaho žyćcia, ź jakoha vydalena ŭsio, aproč słoŭ».
Aŭtar, viadomy svajoj žurnalisckaj dziejnaściu i knihami non-fikšn, udziačny peŭnym asobam-«ipastasiam»:
Uładzimieru Arłovu, jaki błukaje pa roznych staronkach hetaj knihi jak kančatak «-oŭ» u pošukach ryfmy;
Naście Kudasavaj, jakaja prysłała adzin svoj vierš dla pieršaj publikacyi tut, a druhi viarnuła siudy z taho śvietu;
Uładzimieru Niaklajevu, jaki pierafarbavaŭ moj [aŭtaraŭ] čorna-bieły ramans u kalarovy;
Ŭ, ad jakoha navat ŠI chavajecca ŭ b-bu.
Taksama knihu možna zamović praz sajt Kamunikat.shop.