Pierad vialikimi vychadnymi mytnia abiacaje pavialičyć intensiŭnaść pracy
Biełaruskija mytnyja słužby napiaredadni vialikich vychadnych pryniali miery, kab paskoryć prachod miažy. Jany pavialičvajuć kolkaść supracoŭnikaŭ i adkryvajuć dadatkovyja pracoŭnyja miescy, kab prapuskać jak maha bolš ludziej i transpartu, paviedamiła pres-słužba Dziaržaŭnaha mytnaha kamiteta.
Zaraz vyjechać u krainy Jeŭrasajuza na lehkavym transparcie možna praz šeść punktaŭ propusku: na miažy z Łatvijaj — «Hryharoŭščyna», ź Litvoj — «Kamienny Łoh» i «Bieniakoni», z Polščaj — «Bierastavica», «Bruzhi» i «Brest».
Najbolšaja nahruzka nazirajecca ŭ punkcie propusku «Brest» na polskaj miažy. Na praciahu tydnia tam raście čarha aŭtamabilaŭ, i ciapier jana dasiahnuła kala 900 mašyn.
Čytajcie taksama:
Hramadzianin Łatvii sprabavaŭ pravieźci ŭ Biełaruś psichatropnyja tabletki
Kiroŭca aŭtobusa sprabavaŭ uvieźci ŭ Biełaruś narkotyki pad vyhladam kansiervaŭ
Biełarusa zatrymali na miažy, kali jon jechaŭ ź Litvy aŭtobusam