Biełarus z zabaronaj na ŭjezd źmianiŭ proźvišča i dva hady jeździŭ u Polšču
Biełarusu zabaranili ŭjezd u Polšču i krainy Šenhienskaj zony, ale jon prydumaŭ sposab abyjści zabaronu.
Fota: Straż Graniczna
Schiema dziejničała dva hady, pakul jaho nie zatrymali, piša Reform.news sa spasyłkaj na Słowo Podlasia.
Kali biełarusu Rusłanu B. zabaranili ŭjezd u Polšču i Šenhien, jon uziaŭ proźvišča maci, atrymaŭ novy pašpart i praciahnuŭ padarožničać.
Ź lutaha 2024 hoda pa studzień 2026 hoda jon ździejśniŭ kala dziasiatka pajezdak praz punkt propusku ŭ Tarespali i varšaŭski aeraport.
Urešcie biełarusa zatrymali. Sud nad im adbyŭsia ŭ rajonnym sudzie Biała-Padlaski. 41‑hadovaha mužčynu pryznali vinavatym u nieadnarazovym niezakonnym pierasiačeńni dziaržaŭnaj miažy z vykarystańniem padmanu. Sud rascaniŭ usie pajezdki jak adno praciahłaje złačynstva.
Biełarusa pryhavaryli da šaści miesiacaŭ pazbaŭleńnia voli z adterminoŭkaj na dva hady. U vypadku paŭtornaha parušeńnia jon sutykniecca z bolš surjoznymi nastupstvami.