Kamary ŭ Biełarusi mohuć być niebiaśpiečniejšymi, čym zdajecca
Navukoŭcy vyśvietlili, što ŭ našych haradach kamary mohuć pieranosić jak minimum dźvie novyja chvaroby.
Fota: Nuzree / Pixabay
Lichamanka Zachodniaha Niła — virusnaja chvaroba, jakaja moža praciakać jak mocny hryp. Dla zdarovaha čałavieka heta zvyčajna lohkaja prastuda, ale dla pažyłych i asłablenych moža być niebiaśpiečnaj.
Sustrakajecca redka: prykładna 1 kamar z 1000 (0,1%), piša telehram-kanał «Dzikaja pryroda pobač».
Dyrafilaryjoz vyklikajuć čarviaki-parazity, jakija kusajuć u asnoŭnym žyvioł (sabak, katoŭ, lisic, tcharoŭ), ale časam i čałavieka. Pieranosčykam źjaŭlajecca kožny 70‑y kamar (1,4%).
U hod rehistrujecca ad 3 da 20 vypadkaŭ hetaha zachvorvańnia siarod biełarusaŭ.
Pieranosčykami źjaŭlajucca kamary z rodaŭ Aedes i Coquillettidia — tyja samyja zvyčajnyja kamary, jakija kusajuć nas u parkach i ŭ dvarach.
Što ž rabić? Nie panikavać. Vykarystoŭvać repielenty, maskitnyja sietki.