U minskim mietro patłumačyli, čamu kamiera videanazirańnia na ŭvachodzie ciapier z šypami
U Minsku pry ŭvachodzie na stancyju mietro «Kastryčnickaja» na kamieru videanazirańnia ŭstalavali mietaličnyja šypy, i heta vyklikała abmierkavańnie ŭ internecie. U mietrapalitenie raskazali ahienctvu «Minsk-Naviny», navošta heta zrabili.
Fota: «Minsk-Naviny»
Raniej na hetu kamieru časta siadali hałuby, ale paśla ŭstalavańnia śpiecyjalnaj kanstrukcyi ptuški źnikli. Niekatoryja karystalniki ŭspryniali heta niehatyŭna, adnak u mietrapalitenie rastłumačyli, što takoje rašeńnie było nieabchodnym.
Pavodle śpiecyjalistaŭ, ptuški pieraškadžali pracy kamiery: jany mahli zakryvać ahlad i zabrudžvać abstalavańnie. Akramia taho, ich prysutnaść spryjała źjaŭleńniu i razmnažeńniu ptušak u słužbovych pamiaškańniach, što moža paharšać sanitarny stan stancyi. Da taho ž raniej ad pasažyraŭ pastupali skarhi na heta.
U mietrapalitenie padkreślivajuć, što kamiera vykarystoŭvajecca dla kantrolu biaśpieki, tamu jana pavinna pracavać bieź pieraškod.
Pry hetym adznačajecca, što dla ptušak jość inšyja zručnyja miescy pablizu, naprykład, u Alaksandraŭskim skviery, tamu ich asiarodździe pražyvańnia nijak nie parušajecca.
Čytajcie taksama:
Na stancyi mietro «Płošča Lenina» źjaviŭsia ekśpierymientalny turnikiet
Minskaje mietro razam z «Alesiaj» pačnie kapać «Maryja». Sprava maje pajści chutčej
Minčanka padziakavała słužbie biaśpieki mietrapalitena za nadhlad rečaŭ syna