Hamialčuk vynosiŭ narkotyki z balnicy, chavajučy ich u rocie
Žychar Homiela, jaki mieŭ narkazaležnaść i prachodziŭ zamiaščalnuju terapiju ŭ balnicy, zamiest lačeńnia vyrašyŭ zarablać na vydavanych jamu tabletkach, piša vydańnie «Biełka».
Zdymak ilustracyjny. Fota: freepik.com
Mužčyna prychodziŭ u miedustanovu, rabiŭ vyhlad, što hłytaje leki pad nahladam doktara, ale nasamreč chavaŭ tabletku ŭ rocie i vynosiŭ jaje na vulicu. Vyjšaŭšy z balnicy, jon vyploŭvaŭ preparat i pradavaŭ jaho pastajannamu pakupniku, jaki, u svaju čarhu, raspłačvaŭsia ź im marychuanaj.
Schiemu vykryli supracoŭniki milicyi, kali mužčynu zatrymali padčas čarhovaj sproby vynasu narkotyku. Vyśvietliłasia, što preparat adnosicca da mocnadziejnych kantralavanych narkatyčnych srodkaŭ.
Hety mužčyna ŭžo mieŭ sudzimaść za narkazłačynstvy. Ciapier sud pryznačyŭ jamu 11 hadoŭ pazbaŭleńnia voli ŭ kałonii ŭzmocnienaha režymu.
Pakupnik preparata atrymaŭ try hady abmiežavańnia voli biez nakiravańnia ŭ vypraŭlenuju ŭstanovu.
U balnicy praviali pravierku, paśla jakoj supracoŭniki, jakija dapuścili mahčymaść vynasu preparataŭ, atrymali dyscyplinarnyja i materyjalnyja spahnańni.
Čytajcie taksama:
Kiroŭca aŭtobusa sprabavaŭ uvieźci ŭ Biełaruś narkotyki pad vyhladam kansiervaŭ
Minčanku zatrymali na dachu hmachu. Ale heta była pałova biady
U Varšavie biełarus vykidaŭ z akna roznyja pradmiety, jaho ŭtajmavała palicyja
18‑hadovaja dziaŭčyna ŭ Breście pamierła ad pieradaziroŭki, było vyjaŭlena vosiem narkotykaŭ