U «Vialikim kamieni» stvaryli Instytut vydatnych inžynieraŭ
U industryjalnym parku «Vialiki kamień» u Smalavickim rajonie padpisali pahadnieńnie ab stvareńni Instytuta vydatnych inžynieraŭ, piša Office Life.
Fota: «Vialiki kamień»
Na placoŭcy parka Sinomach «Fakieł» na hetym tydni padpisana pahadnieńnie ab stvareńni Kitajska-biełaruskaha instytuta vydatnych inžynieraŭ. Jaho zasnavali Nankinski ŭniviersitet i Biełaruski nacyjanalny techničny ŭniviersitet pry ŭdziele kampanii Sinomach Digital i Zony pramysłovaha raźvićcia vysokich i novych technałohij Cisia horada Nankin.
Instytut budzie pracavać na bazie «Vialikaha kamienia» i rychtavać vysokakvalifikavanych inžynierna-techničnych śpiecyjalistaŭ sa stupieńniu mahistra. Jak udakładnili ŭ industryjalnym parku, havorka idzie pra navučańnie ŭ takich halinach, jak štučny intelekt i kampjutarnaja inžynieryja.
Vučyć u sumiesnym instytucie buduć pa madeli «1+1»: pieršy hod — u BNTU ŭ Biełarusi, druhi — u Nankinskim univiersitecie ŭ Kitai.
Kitajskaja karparacyja Sinomach supracoŭničaje nie tolki z «Vialikim kamieniem», ale i z Parkam vysokich technałohij. Niadaŭna jaje pradstaŭniki dvojčy za paŭhoda pryjazdžali ŭ PVT.
Čytajcie taksama:
U «Vialikim kamni» zamachnulisia na budaŭnictva samaha vialikaha ŭ Jeŭropie abjekta
Piekin vydzielić Minsku dapamohu ŭ 300 miljonaŭ juaniaŭ
Nazvali siaredni zarobak u «Vialikim kamieni» i biełaruskich SEZ
Novuju chutkasnuju čyhunku ŭ minski aeraport pačnuć budavać užo sioleta