Litva nie adkryje pavietranuju prastoru dla palotu Fica ŭ Maskvu na Dzień Pieramohi
Vilnia aficyjna paćvierdziła, što nie adkryje pavietranuju prastoru dla samalota Robierta Fica. Słavacki premjer źbirajecca lacieć u Maskvu na śviatkavańnie Dnia Pieramohi, adnak Litva ličyć taki vizit nieprymalnym z punktu hledžańnia marali i biaśpieki.
Robiert Fica. Fota: AP Photo / Denes Erdos
Hałoŭny daradca prezidenta Litvy pa nacyjanalnaj biaśpiecy Dejvidas Matulonis u efiry Žinių radijas zajaviŭ, što heta paśladoŭnaja pazicyja krainy. Litva kateharyčna nie ŭchvalaje sproby asobnych palitykaŭ ES «palapšać adnosiny» z Maskvoj u razhar vajennaj ahresii.
Dla Robierta Fica heta ŭžo nie pieršaja padobnaja sproba: hod tamu jon taksama naviedvaŭ rasijskuju stalicu na 9 maja, ihnarujučy zakliki jeŭrapiejskich kaleh da bajkotu. Sioleta situacyja paŭtarajecca.
«My kateharyčna nie ŭchvalajem imknieńnie dziaržaŭ palapšać adnosiny ź dziaržavaj-ahresaram. Tamu heta našaja vielmi vyraznaja maralnaja ŭstanoŭka, jakoj my prytrymlivajemsia», — padkreśliŭ Matulonis.