U Motali raźbilisia dvoje padletkaŭ na matacykle
Viečaram 20 krasavika dvoje školnikaŭ na matacykle «Minsk» na poŭnaj chutkaści reznulisia ŭ lehkavik. Ciapier za žyćcio padletkaŭ zmahajucca daktary.
Jak paviedamili va UUS Bresckaha abłvykankama, kala 21:40 15‑hadovy miascovy chłopiec vyrašyŭ prakacić svajho 14‑hadovaha pryjaciela pa vulicy Lenina. Paśviedčańnia na kiravańnie matacykłam u junaka, naturalna, nie było.
DTZ adbyłosia na skryžavańni z vulicaj Savieckaj. Juny kiroŭca pajšoŭ na abhon, ale nie daŭ rady manieŭru i prataraniŭ sustrečny Opel, za rulom jakoha znachodziŭsia 24‑hadovy chłopiec.
Abodva padletki atrymali šmatlikija ciažkija traŭmy. Ź miesca avaryi ich terminova dastavili ŭ reanimacyju.