Dzie ŭ Biełarusi ŭžo pracuje 5G
Sietka 5G užo pracuje ŭ Minsku i ŭsich abłasnych centrach, aproč Hrodna, dzie treba danaładzić abstalavańnie.
Pra heta paviedamiŭ pieršy namieśnik ministra suviazi i infarmatyzacyi Pavieł Tkač u efiry STB.
Stvarać sietku suviazi piataha pakaleńnia ŭ Biełarusi pačali ŭ krasaviku 2025 hoda. U kancy minułaha hoda da 5G stali padklučać u Minsku.
Ale nie na ŭsich telefonach možna skarystacca 5G.
«U pieršuju čarhu Apple, jakaja abmiežavała na ajfonach prašyŭkaj mahčymaść vykarystańnia 5G. I ŭ tym liku Samsung. Ale Samsung abiacaŭ u bližejšy čas usio ž taki abnavić prašyŭku, kab abanienty mahli adčuć usie pieravahi», — patłumačyŭ Pavieł Tkač.
U sielskaj miascovaści praciahvajuć budavać sietki 4G i 3G. Pa vynikach 2025 hoda pryrost jomistaści sietki sotavaj suviazi pieravysiŭ rost chutkaści spažyvańnia trafiku. Zvyčajna heta było naadvarot.