Biełaruś zachoŭvaje druhuju pazicyju pa eksparcie kaliju ŭ Kitaj

Pavodle danych Hałoŭnaha mytnaha ŭpraŭleńnia Kitaja, u studzieni — sakaviku 2026 hoda kraina zakupiła kalijnych uhnajeńniaŭ na $1,65 miljarda. Za anałahičny pieryjad 2025 hoda impart abyšoŭsia KNR prykładna ŭ $1 miljard, piša Myfin.by.

Fota: Lookby.media

Rasija pa vynikach pieršaha kvartała 2026 hoda ŭznačalvaje top pastaŭščykoŭ kaliju na kitajski rynak. KNR uviezła rasijskich uhnajeńniaŭ na $505,9 miljona.

Na druhim miescy ŭ rejtynhu — Biełaruś. U studzieni — sakaviku Kitaj impartavaŭ kalijnych uhnajeńniaŭ z našaj krainy na $409,9 miljona.

U top-5 pastaŭščykoŭ taksama ŭvajšli:

• Kanada (košt impartu dla Kitaja — $314,7 miljona);
• Łaos ($243,4 miljona);
• Izrail ($90,9 miljona).

Kali razhladać impart kaliju ŭ KNR za sakavik 2026 hoda, to Biełaruś zachoŭvaje druhuju pazicyju ($132,1 miljona), sastupajučy tolki Rasii ($174,3 miljona).

Kamientary da artykuła