«Biełavija» jašče miesiac nie budzie lotać u Dubaj
Avijakampanija «Biełavija» jašče raz padoŭžyła admienu rehularnych rejsaŭ pamiž Minskam i Dubajem. Ciapier paloty nie buduć vykonvacca jak minimum da 20 maja.
Zdymak ilustracyjny. Fota: AP Photo Pavel Bednyakov
U pres-słužbie kampanii paviedamili, što pasažyry ŭsich admienienych rejsaŭ zmohuć viarnuć hrošy za kvitki pa miescy ich pakupki.
Rejsy pa hetym kirunku byli faktyčna spynienyja jašče 28 lutaha — tady avijaspałučeńnie pierastała pracavać na fonie abvastreńnia situacyi na Blizkim Uschodzie. U pačatku sakavika «Biełavija» vykonvała tolki asobnyja vyvaznyja rejsy z Dubaja, kab viarnuć turystaŭ u Biełaruś, paśla čaho paloty nie adnavilisia.
Raniej taksama byli admienienyja paloty «Biełavija» ŭ Izrail, ale apošnim časam situacyja tut pačała pastupova palapšacca. Paśla časovaha zakryćcia pavietranaj prastory i niekalkich padaŭžeńniaŭ terminaŭ 19 krasavika ź Minska byŭ vykanany pieršy rejs u Tel-Aviŭ. Ciapier płanujecca rehularnaje avijazłučeńnie — dvojčy na tydzień, pa čaćviarhach i niadzielach.
Čytajcie taksama:
«Biełavija» adnaŭlaje paloty ŭ Izrail
Mianiajucca praviły ŭjezdu ŭ Indyju
Biełarusy raźmiatajuć kvitki ŭ Stambuł na červień — usio praz kancert Karža