«Biełsajuzdruk» užo praz tydzień stanie častkaj «Biełpošty»

Ministerstva suviazi i infarmatyzacyi vydała zahad, u adpaviednaści ź jakim pradpryjemstva «Biełsajuzdruk» dałučajuć da «Biełpošty». Pra namiery heta zrabić źjaŭlałasia infarmacyja i raniej, ale ciapier usio aformlena aficyjna. 

Zdymak ilustracyjny. Fota: Wikimedia Commons

Z 30 krasavika 2026 hoda «Biełsajuzdruk» jak asobnaja struktura pierastanie isnavać, a jaho handlovyja abjekty — kijoski i paviljony — uvojduć u skład handlovaj sietki «Biełpošty». Zaviaršeńnie ŭsich arhanizacyjnych rabot i poŭny pierachod płanujecca na pačatak maja.

Dla prostych spažyŭcoŭ źmienicca nie vielmi šmat čaho. Paśla abjadnańnia ŭ kijoskach i paviljonach pa-raniejšamu buduć pradavacca haziety, časopisy, knihi, kancylarskija tavary i inšyja rečy štodzionnaj nieabchodnaści. Usie dahavory z vydaviectvami i pastaŭščykami zastanucca ŭ sile, ale ŭžo praz «Biełpoštu».

Padpisnyja drukavanyja vydańni, aformlenyja raniej praz «Biełsajuzdruk», možna budzie atrymlivać u kijoskach abo adździaleńniach «Biełpošty». Kankretnaje miesca vydačy buduć paviedamlać dadatkova.

Pierad hetym pradpryjemstva «Biełsajuzdruk» pierajšło ŭ padparadkavańnie Ministerstva suviazi i infarmatyzacyi zamiest Ministerstva infarmacyi. Pa stanie na 1 listapada 2025 hoda ŭ jaho skład uvachodzili 660 handlovych abjektaŭ (258 paviljonaŭ, 321 kijosk, 28 mahazinaŭ, 53 handlovyja abjekty ŭ budynkach (na arandavanych płoščach) u Minsku, a taksama va ŭsich abłaściach krainy (kala 100 nasielenych punktaŭ). Sama sistema «Biełsajuzdruka» isnavała bolš za 100 hadoŭ.

Kamientary da artykuła