U Minsku zapuściać na linii 30 novych tralejbusaŭ-harmonikaŭ
U Minsku ŭ 2026 hodzie płanujuć istotna abnavić hramadski transpart, zrabiŭšy akcent na elektratechnicy. Usiaho płanujecca zamianić 164 adzinki transpartu, piša ahienctva «Minsk-Naviny».
Vyrab tralejbusa na zavodzie «Biełkamunmaš». Fota: «Minsk-Naviny»
Siarod novaha transpartu — bolš za 30 novych tralejbusaŭ-«harmonikaŭ», jakija vyrabić biełaruski zavod «Biełkamunmaš».
Pastaŭki novych tralejbusaŭ buduć adbyvacca pastupova: pieršyja mašyny čakajucca ŭžo ŭ siaredzinie hoda, a poŭnaje vykanańnie kantraktu zapłanavana da kastryčnika.
Taksama ŭviaduć novaŭviadzieńnie dla pasažyraŭ: u naziemnym transparcie źjavicca sistema knopak dla samastojnaha adkryćcia dźviarej. Jana pačnie pracavać z 1 maja i budzie aktyvavacca tolki paśla poŭnaha spynieńnia transpartu. Heta dapamoža lepš zachoŭvać kamfortnuju tempieraturu ŭ sałonie.
Abnaŭleńnie transpartu pravodzicca ŭ miežach prahramy raźvićcia stalicy da 2030 hoda i nakiravana na pavyšeńnie jakaści i ekałahičnaści pieravozak.
Čytajcie taksama:
Jak maci čatyroch dziaciej stała kiroŭcam aŭtobusa ŭ Minsku
Z 1 vieraśnia va ŭsim minskim naziemnym transparcie možna budzie raźličycca kartkaj
Ci abaviazkova ŭ hramadskim transparcie zdymać zaplečniki?
U Minsku 16‑hadovaja dziaŭčyna na samakacie trapiła pad koły tralejbusa