Žurnalistka Hanna Lubakova atrymała ŭznaharodu Amnesty International Chair 2026
Hannu adznačyli za jaje pracu pa aśviatleńni aŭtakratyi, represij i demakratyčnaha supracivu ŭ Biełarusi.
Hanna Lubakova. Padčas zapisu pieradačy na «Biełsacie»
Biełaruskaja žurnalistka Hanna Lubakova atrymała hanarovaje zvańnie łaŭreata Amnesty International Chair 2026 hoda.
Z 2007 hoda Hiencki ŭniviersitet prysudžaje hetuju ŭznaharodu asobam, jakija demanstrujuć vyklučnuju i niaźmiennuju addanaść spravie abarony pravoŭ čałavieka.
Hannu adznačyli za jaje pracu pa aśviatleńni aŭtakratyi, represij i demakratyčnaha supracivu ŭ Biełarusi. «Navat u vyhnańni jana praciahvaje ŭzmacniać hałasy palitviaźniaŭ, žurnalistaŭ pad pieraśledam i pradstaŭnikoŭ hramadzianskaj supolnaści, jakich sprabujuć prymusić maŭčać», — skazana ŭ zajavie ab uznaharodzie.
Cyrymonija ŭznaharodžańnia adbudziecca 1 kastryčnika ŭ centry VierNulVier (Hient, Bielhija).
Hannu Lubakovu zavočna asudzili pa spravie «analitykaŭ Cichanoŭskaj» da 10 hadoŭ źniavoleńnia.
Uznaharoda Amnesty International Chair zasnavanaja arhanizacyjaj Amnesty International i Hienckim univiersitetam. Jana ŭšanoŭvaje asob, jakija zrabili vyklučny ŭkład u prasoŭvańnie pravoŭ čałavieka va ŭsim śviecie.
Kožny hod hetaje hanarovaje zvańnie prysudžajecca vydatnamu pravaabaroncu, navukoŭcu abo hramadskamu dziejaču. Łaŭreat zaprašajecca ŭ Hiencki ŭniviersitet, kab padzialicca svaimi viedami i vopytam jak z akademičnaj supolnaściu, tak i z šyrokaj hramadskaściu. U miežach prahramy łaŭreat vystupaje ź lekcyjami i sieminarami.