Konsulski adździeł Polščy ŭ Minsku ŭvodzić palohku dla ludziej 60+
Z 4 maja konsulski adździeł pasolstva Polščy ŭ Minsku ŭvodzić sproščany paradak zapisu na padaču vizavaj zajavy dla asob va ŭzroście 60 hadoŭ i starejšych, zaprošanych u Polšču dziećmi abo ŭnukami — hramadzianami Polščy.
Dla zapisu na pryjom nieabchodna nakiravać list na elektronny adras konsulskaha adździeła mińsk.wk.wizy@msz.gov.pl z prośbaj ab pryznačeńni daty biez papiaredniaj rehistracyi. U temie lista treba paznačyć: zaproszenie UW 60+.
Da lista abaviazkova treba prykłaści kopiju zaprašeńnia, zarehistravanaha ŭ vajavodskim upraŭleńni, a taksama ŭkazać poŭnyja kantaktnyja danyja, uklučajučy numar telefona.
Na padstavie zvarotu zajaŭniku buduć pryznačany data i čas vizitu ŭ adzin z punktaŭ pryjomu vizavych zajaŭ u Minsk, Homiel, Mahiloŭ abo Viciebsk u zaležnaści ad miesca pražyvańnia.
Niapoŭnyja zajaŭki, jakija nie ŭtrymlivajuć nieabchodnych dakumientaŭ i źviestak, razhladacca nie buduć. U vypadku niajaŭki ŭ pryznačany čas paŭtornaje pryznačeńnie daty ŭ lhotnym paradku niemahčyma.