U Rasii źniščyli 20 ton biełaruskaha sała
U Smalenskaj vobłaści Raśsielhasnahlad spyniŭ niezakonny ŭvoz bujnoj partyi śvinoha sała ź Biełarusi.
Jašče 13 sakavika 2026 hoda supracoŭniki viedamstva razam z mytnikami zatrymali hruzavik, jaki vioz u Maskvu kala 20,4 tony «zamarožanaha śvinoha tłušču». Pavodle dakumientaŭ, pradukcyja nibyta była vyrablenaja na miasakansiervavym kambinacie ŭ Minskaj vobłaści.
Pry praviercy, adnak, vyśvietliłasia, što vieterynarny siertyfikat padrobleny: u im byli falšyvyja adznaki pra prachodžańnie kantrolu. Padčas ahladu hruzu taksama akazałasia, što na ŭpakoŭcy niama klejmaŭ, jakija paćviardžajuć vieterynarna-sanitarnuju pravierku.
Dadatkova biełaruski bok aficyjna paviedamiŭ, što nie moža paćvierdzić pachodžańnie i biaśpieku hetaj pradukcyi.
U vyniku 21 krasavika ŭvieś hruz źniščyli ŭ adpaviednaści ź dziejnymi ŭ Rasii praviłami. Pieravozčyka pryciahnuli da administracyjnaj adkaznaści.
Čytajcie taksama:
Čamu sała ŭ Biełarusi daražejšaje za miasa? Patłumačyli fiermiery
Sała — sapraŭdny supierfud. U čym karyść hetaha praduktu i kolki jon ciapier kaštuje