Na školnym stadyjonie ŭ Minsku pamior 18‑hadovy futbalist
Trahičny incydent adbyŭsia na terytoryi 14‑j himnazii.
Abnoŭleny stadyjon staličnaj himnazii № 14 uračysta adkryli ŭ 2024 hodzie — tut zrabili futbolnaje pole sa štučnaj travoj.
Uviečary 23 krasavika tut sabralisia pahulać u futboł chłopcy — studenty BDEU i prosta padletki z roznych rajonaŭ horada. Padčas hulni adnamu ź ich hulcoŭ niečakana stała drenna, jon prosta ŭpaŭ na pole.
Miedyki bolš za 30 chvilin reanimavali chłopca, ale, na žal, ich dziejańni nie dali plonu. U 20:55 kanstatavali śmierć. Pa słovach vidavočcaŭ, daktary kazali pra parušeńnie sardečnaha rytmu. A sam chłopiec skardziŭsia siabram na bol u śpinie.
Siabry kažuć, što chłopcu było 18 hadoŭ, jon vioŭ zdarovy ład žyćcia, zajmaŭsia sportam. A vučyŭsia na pieršym kursie BDEU.