Biełarusbank źniziŭ staŭki pa kredytach na žyllo
Staŭki źnižanyja pa niekalkich napramkach, u tym liku i pa ipatečnych.
Minsk Śviet. Fota zabudoŭščyka
Biełarusbank siońnia źniziŭ staŭki pa kredytach:
Kredyt na ŭźviadzieńnie (rekanstrukcyju) žyłych pamiaškańniaŭ, nabyćcio niezavieršanaha zakonsiervavanaha kapitalnaha budynka na ziamielnym učastku, pryznačanym dla budaŭnictva žylla, a taksama na ŭźviadzieńnie žyłoha pamiaškańnia šlacham nabyćcia žyllovych ablihacyj u šmatkvaternym žyłym domie zaraz budzie pad 15,9% hadavych.
Kredyt na ŭźviadzieńnie žyłoha pamiaškańnia ŭ šmatkvaternym domie dla hramadzian, jakija zaklučyli damovy ź dziaržaŭnymi zabudoŭščykami — 14,9% hadavych.
Nabyćcio žyłoha pamiaškańnia: pry kupli na druhasnym rynku — 16,9% hadavych; u zabudoŭščyka — 15,9%.
Kredyt «Ipateka Ekspres»: pry kupli na druhasnym rynku — 16,9% hadavych (dla hramadzian, jakija stajać na ŭliku tych, chto maje patrebu ŭ žylli — 15,5% hadavych, było 18,25%); u zabudoŭščyka — 15,9% hadavych (było 16,65%).
Kredyt «Čas budavać» — 14,9% hadavych.
Kredyt «Ipateka z nami» (u ramkach partniorskich prahram) — źnižana pracentnaja staŭka, pačynajučy z 13‑ha miesiaca: pry zaklučeńni damovy ź dziaržaŭnym zabudoŭščykam — da 14,9% hadavych; z zabudoŭščykami niedziaržaŭnaj formy ŭłasnaści — da 15,9% hadavych.
Kredyt «Buddom» — 15,9% hadavych.
Kredyt «Refinansavańnie ipateki» — 16,9% hadavych.
Padrabiaznuju infarmacyju pra ŭsie ŭmovy i nieabchodnyja dakumienty možna znajści na karparatyŭnym sajcie Biełarusbanka abo atrymać pa karotkim numary kantakt-centra 147.