Alijeŭ zajaviŭ pra padtrymku terytaryjalnaj cełasnaści Ukrainy i hatoŭnaść razam rabić zbroju

Prezident Azierbajdžana Ilcham Alijeŭ paśla sustrečy z prezidentam Ukrainy Uładzimiram Zialenskim zajaviŭ pra padtrymku terytaryjalnaj cełasnaści Ukrainy.

Uładzimir Zialenski i Ilcham Alijeŭ. Fota: x.com/presidentaz

Pavodle słoŭ azierbajdžanskaha lidara, Azierbajdžan i Ukraina i nadalej buduć padtrymlivać suvierenitet i terytaryjalnuju cełasnaść svaich dziaržaŭ u mižnarodnych arhanizacyjach.

Taksama kiraŭnik Azierbajdžana paviedamiŭ, što jany ź Zielenskim «abmianialisia dumkami pra vajskova-techničnaje supracoŭnictva, i tut taksama jość vialikija pierśpiektyvy». Pavodle jaho słoŭ, VPK u abiedźviuch krainach raźvivajecca i isnujuć «vialikija mahčymaści» dla sumiesnaj ukrainska-azierbajdžanskaj vytvorčaści ŭ hetaj śfiery.

Zialenski raniej paviedamiŭ, što padčas jahonaj sustrečy z Alijevym u azierbajdžanskim horadzie Habała byli padpisanyja šeść dakumientaŭ u roznych śfierach, u tym liku ŭ abaronna-pramysłovym kompleksie. Pavodle słoŭ ukrainskaha prezidenta, sumiesnaja vytvorčaść uzbrajeńniaŭ moža ŭzmacnić biaśpieku i stać strymlivalnym faktaram dla mahčymych ahresaraŭ.

Akramia taho, baki abmierkavali enierhietyčnaje i humanitarnaje supracoŭnictva, a taksama pracu mižuradavaj kamisii pa ekanamičnych pytańniach.

Asobna Zialenski adznačyŭ hatoŭnaść Ukrainy da novych trochbakovych pieramoŭ z udziełam ZŠA i Rasii ŭ Azierbajdžanie, kali budzie palityčnaja vola da dyjałohu.

Kamientary da artykuła