Nastaŭnicu-defiektołaha z-pad Minska asudzili za «sadziejničańnie ekstremizmu»
Alena Aršanskaja šmat hadoŭ pracavała ź dziećmi ŭ Ašmianach i Minsku. Ale niadaŭna joj vynieśli palityčny prysud — ciapier jana adbyvaje pakarańnie.
Alena Aršanskaja. Fota ź jaje staronki Ukantakcie (archiŭnaja kopija)
Alenie Aršanskaj 49 hadoŭ.
Žančyna šmat hadoŭ pryśviaciła piedahohicy i dapamozie dzieciam. Jana maje vyšejšuju kvalifikacyjnuju katehoryju i raniej pracavała nastaŭnicaj-defiektołaham u śpiecyjalnaj hrupie intehravanaha navučańnia jaślaŭ-sadka №1 u Ašmianach. Z 2017 hoda jana viała zaniatki ŭ hurtku pa pravilnym maŭleńni ŭ minskich škołach.
Paśla zamužža jana pierajechała žyć u viosku Staryna Kałodziščanskaha sielsavieta, zusim pobač ź Minskam.
Alena da zatrymańnia šmat čytała, vyvučała francuzskuju movu, cikaviłasia padarožžami. Dakładnaja data zatrymańnia nieviadomaja, ale z druhoj pałovy 2025 hoda jana ničoha nie pisała ŭ sacsietkach.
Niadaŭna Minski abłasny sud vynies joj prysud pavodle častak 1 i 2 artykuła 361‑4 KK, sadziejničańnie ekstremisckaj dziejnaści.
Joj prysudzili chimiju z nakiravańniem ci kałoniju. Ciapier jana adbyvaje pakarańnie.
Čytajcie taksama:
34‑hadovuju amatarku ekstremalnaha sportu i maładuju maci asudzili pa palityčnym artykule
Mieniedžara pa prodažach bujnoj mižnarodnaj ahrakampanii asudzili pa piaci palityčnych artykułach